سلام للبطل

فرحه جميله من جديد
واسم يلمع بالدهب
مش بالحديد
دا جاى يعلم
مش بالكلام
دا كل حركه بتتعمل
بنقول عليها سلوك حميد
فنان جميل
ومالوش مثيل
ونعد ليه مليون مريد
حياته أيوا مدرسه
ولعبه فن وهندسه
خلى الحزين يكون سعيد
أدب وذوق
يعرف حقوق
وفى بسمته زى الوليد
لعيب نظيف
هادى وخفيف
وفى لعبته أسد عنيد
إنسان شريف
وكمان عفيف
سلام للبطل
زيه ما فيش
هوالفريد
اسمه على اسم الحبيب
ماشى فى طريقه
عشان كده عمره ما تاه
أو كان شريد
خطف القلوب بلعبته
الله عليها سجدته
دا حلم عمره يموت شهيد
عايش بحب ربنا
وفكره غير فكرنا
دا نخوته للمسلمين
بتجرى جرى فى الوريد
يوم ما اشتم أعظم رسول
قام وانتفض
فين الحلول ؟
مش هانتظر
أنا راح أرد
حتى ولو كنت الوحيد
يوم ما الصيهانه ما قاموا
بسلوك مهين
بحصار بشع للمسلمين
كان السكوت مننا
حكمة رشيد
بس البطل نطق كفايه
بطريق جميل
وسلوك حسن
ورد فعله كان سديد
زرع الأخوه فى قلبنا
غير نظام حبنا
إزاى يكون للقريب
مش للبعيد
يا ابن السلام
خليك جدع ديما
وقول كلمتك
دا أنت العميد
حبك نطق جوا القلوب
ما أنت يا صحبى عشقت
رب الوجود

وبكلمتك داب الجليد